24 noyabr 2020

İkinci Qarabağ müharibəsinin qəhrəmanlaeından bir kikboksinq üzrə 3 qat dünya çempionu, dəfələrlə ölkə və beynəlxalq yarışların qalibi Kərəm Veyisovdur. Son iki ildə məşqçi kimi fəaliyyət göstərən Kərəm 20 Yanvar şəhidlərinin xatirəsinə turnir də təşkil edib. 

İdman arenalarında erməni rəqiblərini diz çökdürən Kərəm Qarabağ savaşında da düşmənə qan uddurub, Füzulidən Şuşayadək şərəfli döyüş yolu keçib. 

Xaçmazlı döyüşçü Kərəm Şuşa zəfərindən sonra qəhrəmancasına şəhid olub. Kərəm əvvəlcə Füzuli uğrunda gedən döyüşlərdə yaralanıb. Bir həftə hospitalda müalicə olunduqdan sonra yenidən ön cəbhəyə yollanıb. Erməni yaraqlılarını əllə boğduğuna görə "Canavar" ləqəbi almış Kərəm öz şərəfli döyüş yolu ilə gənclərimizə örnəkdir.