Nadir etnik qrupların dilini və zəngin mədəni irsini rəqəmsal dünyada yaşatmaq məqsədilə yaradılan BUDADÄR veb-saytı Buduqluların tarixi, adət-ənənələri və dili haqqında mühüm resurs rolunu oynayır.

Azərbaycanın aborigen azsaylı xalqları içərisində özlərinə məxsus etnoqrafik xüsusiyyətləri ilə seçilən və Qafqaz dilləri ailəsinə daxil olan, Şahdağ ətrafında yerləşmələrinə görə tarixi-etnoqrafik ədəbiyyatda “Şahdağ xalqları” adlandırılan buduqlular, xınalıqlılar, qrızlar, haputlular, ceklilər, əliklilər və yergüclülərin öz yeri vardır. Bu azsaylı xalqların hər biri kimi buduqlular da Azərbaycanın ən qədim sakinlərindən sayılırlar.