Quba, 17 oktyabr 2016, Elxan Yusifli, AZƏRTAC
Azərbaycanın şimal rayonlarına - Quba, Qusar və Xızının dağlıq yaşayış məntəqələrinə qar yağır.
Bölgədə ən çox qar Quba rayonun Xınalıq kəndinə düşüb. Burada yağıntının hündürlüyü 18 santimetrə çatıb. Temperatur isə mənfi 5 dərəcəyədək enib. Qubanın digər dağlıq ərazilərində qarın hündürlüyü 1-5 santimetr təşkil edir.
Qusarın Ləzə kəndinə də 5 santimetrədək qar yağıb.