19 iyun 2023-cü il

Xaçmazda filologiya elmləri üzrə fəlsəfə doktoru Firuzə Məmmədli ilə görüş keçirilib. Bu haqda 17 iyun tarixində ShimalNews Xaçmaz Tarix Diyarşünaslıq Muzeyinə istinadən məlumat verir.

“Poeziyaya həsr olunmuş ömür” adlı tədbirdə şairənin sənət dostları, “Firuzə” ədəbiyyat ocağının təsisçiləri, rayon ictimaiyyətinin nümayəndələri, “Ulduzlar” ədəbi birliyinin üzvləri iştirak ediblər. Tədbirdə Firuzə Məmmədlinin həyat və yaradıcılığına, elmi, pedaqoji,  publisistik fəaliyyətinə həsr olunmuş çıxışlar və əsərlərindən nümunələr səslənib.

Görüşün sonunda ədəbiyyat ocağının Xaçmaz rayonu üzrə bölməsinin yaradılması ilə bağlı təşkilati məsələlər müzakirə olunub.