Şimal zonasında yağan aramsız yağışlar bir çox fəsadlara yol açıb. Rayon sakinlərinin Axar.az-a verdiyi məlumata görə, rayonun ən ucqar dağ kəndi olan Xınalıqda sel bir körpü və yaxınlıqda yerləşən yarımtikilini dağıdıb, rayonun kəndlə əlaqəsi kəsilib. Bundan savayı, Qudyalçayın səviyyəsi kəskin qalxıb, çaya yaxın yerləşən kəndlər sel təhlükəsi ilə üzləşib. Leysan yağışları hazırda davam edir.