25 dekabr 2021-ci il

24 dekabrda Hadrutda Azərbaycan Ordusunun yeni silahlı birləşməsi olan Komando Briqadasının hərbi hissəsinin açılışı olub.

“Kriminalqafqaz”ın məlumatına görə, açılış mərasimində 218-ci Komando Briqadasının komandiri polkovnik Elşən Sanayev döyüş bayrağını almaq üçün gəlib.

O, Ali Baş Komandana raport, briqadaya isə komanda verib.

Məlumat üçün bildirək ki, polkovnik Elşən Sanayev Vətən müharibəsində iştirak edib. O, polkovnik rütbəsini də elə II Qarabağ müharibəsindən sonra alıb. Elşən Sanayev hərbi hissə komandiri olub.

Elşən Sanayev Vətən müharibəsindən sonra “Döyüşdə fərqlənməyə görə”, Cəbrayılın, Füzulinin və Xocavəndin azad olunmasına görə medalları ilə təltif olunub. 

Qusar rayonunda anadan olan Elşən Tərlan oğlu Sanayevin 45 yaşı var.