18 oktyabr 2024-cü il

Qusarda “Gələcəyimiz üçün hərəmiz bir ağac əkək!” devizi altında ağacəkmə aksiyası və iməcilik keçirilib.

Shimal.News xəbər verir ki, aksiya Qusar şəhərində, Quba-Qusar, Qusar-Əniq-Ləzə, Qusar-Köhnə Xudat-Həzrə, Qusar-Balaqusar-Qalacıq-25-ci dairə-Xudat, Qusar-Gədəzeyxur-İmamqulukənd-Quxuroba, Həzrə-Yuxarı Zeyxur-Samur, Həzrə-Mucuq-Əcəxur-Düztahir, Həzrə-Gilah-Yuxarı Qələnxur-Yuxarı Tahircal, Samur-Şirvanlı-Gilahoba, Quxuroba-Şirvanlı, Qusar-Avaran-Xürəl, Qusar-Aşağı Ləgər magistral yollarının kənarlarında Rayon İcra Hakimiyyətinin təşkilatçılığı ilə baş tutub.

Ümumilikdə 42.4 ha sahədə 10.860 ağac və kol əkilib. Onlardan 2700 – Çinar, 1120 – Eldar şamı, 1000 – Tuya, 1000 – Qoz, 500 – Şabalıd, 1000 – Fındıq, 1000 – Fıstıq, 1000 – Vələs, 1540-i isə digər ağacların payına düşüb.

Ölkəmizdə 2024-cü il “Yaşıl dünya naminə həmrəylik ili” elan edilib. Respublikamızın 2030-cu ilə qədər 5 milli prioritetindən biri olan “Təmiz ətraf mühit və yaşıl artım ölkəsi” prioritetinə uyğun olaraq ölkəmizdə ətraf mühitin qorunması, yaşıllıqların bərpası və artırılması istiqamətində tədbirlər geniş vüsət alıb.