"Tərəkəmə yurdu" beynəlxalq folklor festivalı başlayır1 iyun 2024-cü il
Mədəniyyət Nazirliyinin dəstəyi, "Miras" Mədəni İrsin Öyrənilməsinə Kömək" İctimai Birliyinin təşkilatçılığı ilə "Tərəkəmə Çərşənbəsi beşinci beynəlxalq folklor festivalının keçirilməsi" layihəsi çərçivəsində iyunun 1-2-də Ağsu rayonu Gəgəli kəndi Tərəkəmə yurdu folklor turizm məkanında beynəlxalq festival keçiriləcək. Ağsu rayonu Gəgəli kəndi Tərəkəmə yurdu folklor turizmi məkanı festivalın keçirilməsi məqsədilə hazırlanıb, dekorasiyalar qurulub. Festval çərçivəsində Bakı şəhərindən, Qazax-Tovuz, Lənkəran-Astara, Şirvan-Salyan, Gəncə-Daşkəsən, Dağlıq Şirvan, Quba-Xaçmaz, Mil-Muğan, Qarabağ, Mərkəzi Aran, Abşeron-Xızı bölgələrindən folklor kollektivlərinin çıxışları olacaq. Kəndirbazlar, Zorxana, Oxatma, Çilingağac kimi milli oyunlar paralel göstəriləcək. Türkiyə, Gürcüstan və İtaliyadan qonaqlar festivala qoşulacaqlar. Festival çərçivəsində rəsm əsərləri, dekorativ-sənətkarlıq nümunələri, kənd məhsullarından ibarət sərgi-yarmarka təşkil ediləcək. Tanınmış rəssamlar, heykəltaraşlar, el sənətkarları, idman ustalarının ustad dərsləri keçiriləcək. Oturma gecələrində tərəkəmə həyat tərzi ilə bağlı filmlər izləniləcək, müzakirələr aparılacaq. Xarici və yerli qonaqlar kənddə əvvəlcədən müəyyən edilmiş evlərdə qalacaq və ünsiyyət bağları quracaqlar. Səhər tezdən Tərəkəmə marafonu təşkil ediləcək və qonaqlar "Bel daşı əfsanəsi" marşrutu ilə hərəkət edəcəklər. Festival hər iki gün maraqlı proqramlarla davam edəcək. Festivalın keçirilməsi tərəkəmə həyat tərzinin və köç yollarının UNESCO siyahısına alınması ilə səsləşir. Tədbir təşkilatçılarının əsas hədəfi festivalın davamlı olması və UNESCO-nun ilkin qeyri-maddi mədəni irs siyahısına daxil edilməsidir.
Saytımızın "Miras" Mədəni İrsin Öyrənilməsinə Kömək" İctimai Birliyinin rəhbəri, festivalın moderatoru Dr. Fariz Xəlillidən aldığı məlumata görə, bu ənənəvi beynəlxalq tədbirin ilk iki gününün proqramı aşağıdakı tədbirləri əhatə edəcək:
TƏRƏKƏMƏ ÇƏRŞƏNBƏSİ BEYNƏLXALQ FOLKLOR FESTİVALI AĞSU RAYONU, GƏGƏLİ KƏNDİ 1-2 İYUN 2024-cü İL
PROQRAM
1 iyun
10.00 – Qeydiyyat
10.30 - Sərgi-yarmarkanın açılışı
11.00 – Festivalın açılışı, moderator - Fariz Xəlilli Bir dəqiqəlik sükut Azərbaycan Respublikasının himni Çıxışlar: “Miras” MİÖK İctimai Birliyinin nümayəndəsi Mədəniyyət Nazirliyinin nümayəndəsi Dövlət Turizm Agentliyinin nümayəndəsi Ağsu İcra hakimiyyətinin nümayəndəsi Gəgəli bələdiyyəsinin nümayəndəsi Türkiyə Cümhuriyyətinin nümayəndəsi İtaliya Respublikasının nümayəndəsi Borçalı tərəkəmələrinin nümayəndəsi
12.00 - Açılış bədii hissəsi, moderator - Fariz Xəlilli Etnoqraf Gülzadə Abdulovanın Alaca milli geyimləri haqqında çıxışı “Nənə qızlar” ansamblı Ağsu folklor qrupu Oğuzlar xalq folklor ansamblı Qars aşıqları “Veteranlar” xalq xoru
13.30 – Nahar yeməyi üçün fasilə
15.00 - Bədii hissə, moderator - Ruslan Adgözəlov Folklorla bağlı bayatılar “Mel” folklor xalq kollektivi Aşıqlar xalq ansamblı "Adıgün" Axısqa türk xalq folklor kollektivi Tərəkəmə rəqsi Qars foklor qrupu ADMİU Humanitar Kollecin tələbələrinin çıxışı Milli oyunlar – Zorxana
19.00 - Şam yeməyi üçün fasilə
21.00 – Musiqili proqram Tərəkəmə çərşənbəsi filmi nümayiş və müzakirə Şəcərə təqdimat - nümayiş və müzakirə
22.30 - Tonqal ətrafında oturma, musiqili proqram
Paralel fəaliyyətlər: Sərgi Yarmarka-satış Ustad dərsləri Xına-FaceArt Milli geyimlər Kəndirbazlar Çilingağac Oxatma Zorxana At çapma Təndir və sac bişintiləri Dəridə yemək bişirilməsi Çay dəstgahı Kabab çeşidləri
2 iyun
06:00 - Tərəkəmə marafonu 07.00-08.00 - Tərəkəmə obasında səhər yeməyi
10.00 – Qeydiyyat
10.30 - Sərgi-yarmarka - təqdimat Günel Seyidəhmədli
11.00 - Bədii hissə, moderator - Ruslan Adgözəlov Şamaxı folklor qrupu Milli rəqslər Qars foklor qrupu Misri Aşıq ansamblı Halay xalq folklor kollektivi "Cəngi" milli nəfəsli xalq kollektivi Həsənağa Sadıqovun "Mahirlər" ailə ansanbılı Xəmsə nağara ansamblı Lahıc folklor qrupu Milli oyunlar – Zorxana
14.00 – Nahar yeməyi üçün fasilə
15.30-18.00 – Ağsu Qoruğu və digər tarixi abidələri ziyarət etmək
18.00 - Şam yeməyi üçün fasilə
20.00 – Türk dünyasından seçmələr – musiqili proqram “Tərəkəmə qadın” filmi nümayiş və müzakirə
22.30 - Tonqal ətrafında oturma, musiqili proqram
Paralel fəaliyyətlər: Sərgi Yarmarka-satış Ustad dərsləri Xına-FaceArt Milli geyimlər Çilingağac Kəndirbazlar Oxatma Zorxana At çapma Təndir və sac bişintiləri |
Bizim
seçim
|
İlqar BalakişiyevAzərbaycan Memarlıq və İnşaat Universitetinin baş müəllimi, memar... Qubanın tarixi məscidləri |