1 fevral 2021-ci il

Tamerlan Səfərov  Vətən müharibəsinin ilk günündən şimal cəbhəsində döyüşlərə başlayıb. Düşmənin canlı qüvvəsinin və atış nöqtələrinin məhv edilməsində xüsusi xidmətləri olub. Oktyabrın 1-də Talış kəndi uğrunda gedən savaşda şəhidlik zirvəsinə ucalıb.

Tamerlan 2001-ci ildə Qubanın Səbətlər kəndində dünyaya göz açıb. Hələ məktəb illərindən hərb sahəsinə böyük marağı olub. 2019-cu ildə əsgərliyini başa vurduqdan sonra  hərbi xidmətdə qalaraq qorxmaz kəşfiyyatçı kimi Vətənə qulluq edib.

Qəhrəman döyüşçü ölümündən sonra “Vətən uğrunda” medalı ilə təltif edilib.